Policia e Kosovës ka njoftuar se në Shtime është arrestuar një 69-vjeçar, i cili dyshohet se ka ushtruar dhunë fizike ndaj bashkëshortes dhe vajzës së tij.
Sipas raportit zyrtar, rasti ka ndodhur më 20 gusht 2025, rreth orës 11:10, kur policia ka marrë informatën se dy viktimat, nënë e bijë, ishin sulmuar nga i dyshuari. Të dyja kanë marrë trajtim mjekësor në Qendrën e Mjekësisë Familjare në Shtime.
Gjatë kontrollit, policia ka konfiskuar tek i dyshuari një pushkë gjahu dhe 12 fishekë.
Me vendim të prokurorit të shtetit, pas intervistimit nga hetuesit, i dyshuari është ndaluar për 48 orë dhe ndaj tij janë iniciuar procedura penale për veprat: “Mbajtje në pronësi, kontroll ose posedim të paautorizuar të armëve”, “Dhunë në familje” dhe “Lëndim i lehtë trupor”.