Instituti Hidrometeorologjik i Kosovës ka njoftuar se java e ardhshme do të karakterizohet me kushte të paqëndrueshme atmosferike.
Dy ditët e para parashihen të jenë më stabile, ndërsa nga mesi i javës priten reshje shiu dhe shkarkime rrufesh.
Temperaturat minimale do të lëvizin prej 8 deri në 16 gradë Celsius, ndërsa ato maksimale nga 22 deri në 33 gradë.
E hënë
Moti me diell dhe vranësira të shpërndara. Temperaturat 10 – 15°C, maksimalet 25 – 30°C. Era e lehtë deri mesatare nga veriperëndimi.
E martë
Vazhdojnë ditët me diell dhe vranësira të pjesshme. Temperaturat 8 – 12°C, maksimalet 27 – 33°C. Era nga veriperëndimi, 1 – 3 m/s.
E mërkurë
Fillimisht me diell, por pasdite priten reshje shiu dhe shkarkime rrufesh. Temperaturat 8 – 13°C, maksimalet 22 – 27°C. Era herë pas here e fortë nga veriperëndimi.
E enjte
Diell dhe vranësira të pjesshme, me riga lokale shiu në pjesën e dytë të ditës. Temperaturat 9 – 15°C, maksimalet 23 – 27°C. Era nga verilindja, 1 – 5 m/s.
E premte
Mot kryesisht me diell dhe vranësira të shpërndara, të fokusuara rreth relievit malor. Temperaturat 10 – 13°C, maksimalet 24 – 28°C. Era e lehtë deri mesatare nga jugperëndimi.