Një tërmet i fuqishëm me magnitudë 6.0 ka goditur Afganistanin lindor të dielën mbrëma, duke lënë pas një bilanc tragjik.
Sipas autoriteteve talebane, të paktën 620 persona kanë humbur jetën, ndërsa më shumë se 1.300 të tjerë janë lënduar.
Lëkundjet kanë shkatërruar dhjetëra fshatra në provincën Kunar dhe kanë prekur rëndë edhe provincën fqinje Nangarhar, pranë qytetit Jalalabad.
Pamjet nga terreni tregojnë shtëpi të shembura dhe banorë që përpiqen të shpëtojnë të mbijetuarit nga rrënojat.
Raportohet se ekipet e shpëtimit po hasin vështirësi për shkak të infrastrukturës së dobët dhe mungesës së mjeteve, ndërsa bilanci i viktimave pritet të rritet./BBC