Shefi i Shtabit i Ushtrisë izraelite (IDF), Eyal Zamir, ka komentuar mbi eliminimin e zëdhënësit të Hamasit, Abu Obeida, duke paralajmëruar se objektiv do të jenë edhe drejtuesit e grupit që jetojnë jashtë Gazës.
“Shumica e udhëheqjes së Hamasit aktualisht jeton jashtë vendit; ne do t’i godasim edhe ata, kudo që të ndodhen”, deklaroi Zamir.
Mes udhëheqësve të Hamasit që ndodhen jashtë janë Khaled Meshaal, Khalil al-Hayya dhe Razi Hammad, të cilët jetojnë në Katar dhe Turqi.