Dogana e Kosovës ka ndaluar nga qarkullimi 275 lodra për fëmijë, pasi dyshohet se ato cenojnë të drejtat e autorit dhe pronësinë intelektuale.
Në njoftim thuhet se, në bashkëpunim me Inspektoratin e Tregut dhe si pjesë e Task Forcës Kundër Piraterisë, janë zhvilluar 12 inspektime në tregun e brendshëm. Si rezultat, është ndërhyrë në disa pika shitjeje ku u gjetën lodrat e dyshuara.
“Dogana e Kosovës dhe Inspektorati i Tregut mbeten të përkushtuar në mbrojtjen e të drejtave të autorit dhe do të vazhdojnë bashkëpunimin me institucionet ligjzbatuese për të parandaluar dhe luftuar fenomenin e piraterisë dhe falsifikimit në tregun e brendshëm”, thuhet në njoftim.