Analisti Shemsi Jashari në emisionin Five në RTV Dukagjini ka deklaruar se bllokada institucionale në Kosovë është e qëllimshme dhe e planifikuar nga Lëvizja Vetëvendosje.
“Porsa e ka kuptuar Lëvizja Vetëvendosje se nuk i ka 50+ vota për të qenë e vetme në qeverisje, ka filluar me implementimin e një skenari mirë të menduar dhe, besa, bukur kreativ për ta bllokuar konstituimin e Kuvendit dhe për ta pamundësuar ecjen me hapa përpara. Duke i marrë një seri veprimesh, e i fundit tash erdhëm me këtë veprim për mosçuarjen përpara dhe moszgjedhjen e një nënkryetari që propozohet nga grupi më i madh politik i minoritetit serb,” ka thënë Jashari.
Sipas tij, kriza aktuale është e fabrikuar dhe nuk është e rastësishme.
“Një krizë e planifikuar, e menduar, një skenar për të mos e konstituar Kuvendin,” ka shtuar ai.