Deputeti i Lëvizjes Vetëvendosje, Mefail Bajqinovci, në emisionin Five në RTV Dukagjini ka kritikuar ashpër partitë ish-opozitare për qëndrimin e tyre ndaj Nenad Rashiqit në procesin e votimit për nënkryetar të Kuvendit të Kosovës.
“Nuk duhet të votohet Lista Serbe me asnjë çmim, por nëse merret ai vendim, ne e kemi parë që opozita haptazi e ka përkrahur, duke hezituar të votojë Nenad Rashiqin”, ka deklaruar Bajqinovci, duke shtuar se “ata haptazi kanë qenë kundër Nenad Rashiqit.”
Ai theksoi gjithashtu se, sipas Vetëvendosjes, Kuvendi i Kosovës është i konstituar. “…duhet ta shohim vendimin [e Gjykatës Kushtetuese]. Ne kemi thënë që nuk e votojmë [Listën Serbe], unë mendoj që nuk duhet të votohet, por të presim vendimin”, u shpreh ai.