Një shofer 19-vjeçar është ndëshkuar nga Policia Rajonale e Ferizajt për kundërvajtje të rëndë në trafik.
Ngjarja ka ndodhur më 7 tetor 2025, rreth orës 23:53, në rrugën magjistrale Ferizaj–Kaçanik, në fshatin e Vjetër.
Automjeti, një VW Golf me targa vendore, po qarkullonte me 118 km/h në një zonë ku kufizimi i lejuar është 50 km/h. Gjatë lëvizjes, shoferi A.B. ka kryer edhe tejkalim në vijë të plotë, duke rrezikuar pjesëmarrësit e tjerë në trafik.
Policia i ka shqiptuar gjobë prej 300 euro, 3 pikë negative dhe ka vendosur heqjen e patentë-shoferit për 3 muaj. Shoferi është përjashtuar gjithashtu nga komunikacioni.
Autoritetet apelojnë tek të gjithë drejtuesit e automjeteve që të respektojnë kufizimet e shpejtësisë dhe shenjat rrugore, pasi mosrespektimi i tyre mund të shkaktojë pasoja serioze për njerëzit.