Kandidati i Lidhjes Demokratike të Kosovës për kryetar të Junikut, Ruzhdi Shehu, ka falënderuar sot mbi 200 gra dhe vajza që morën pjesë në takimin përmbyllës të fushatës për zgjedhjet komunale 2025.
Shehu ka theksuar se, ndryshe nga partitë e tjera, të gjitha pjesëmarrëset në këtë takim janë nga Juniku dhe votojnë në Junik.
Ai gjithashtu ka premtuar se në mandatin e dytë do të vazhdojë me projekte që fokusohen te fuqizimi i gruas dhe përkrahja e rolit të saj në vendimmarrje në Komunën e Junikut.
“Gruaja është shtylla e shoqërisë, potenciali dhe fuqia më e madhe që e kemi. Prandaj në mandatin tonë të dytë do të vazhdojmë me shumë projekte që në fokus do të kenë përkrahjen e rolit të gruas dhe fuqizimin e saj në vendimarrjen e Komunës së Junikut. Urime të gjithve. Vazhdojmë +4 pa balotazh”, ka shkruar Shehu në Facebook.