Kryeministri i Shqipërisë, Edi Rama, së bashku me Presidenten e Komisionit Evropian, Ursula von der Leyen, do të jenë ditën e nesërme, 25 tetor, të pranishëm në forumin ndërkombëtar të Berlinit (Berlin Global Dialogue), si dy folësit e sesionit përmbyllës të saj.
Lajmi u bë i ditur nga vetë Rama, përmes një postimi në rrjete sociale krahas fotografive nga pritja në Berlin, njofton Dukagjini.
Rama, mes tjerash, ka bërë të ditur se fokusi i këtij forumi është diskutimi mbi sfidat globale të ekonomisë, klimës, teknologjisë dhe qeverisjes.