Policia e Kosovës ka njoftuar se ka arrestuar dy persona të dyshuar për veprën penale të grabitjes që kishte ndodhur më 8 gusht të këtij viti në rrugën “Besnik Lajqi” në Pejë.
Sipas njoftimit, viktima kishte deklaruar se ishte sulmuar nga tre persona, të cilët e kishin goditur fizikisht dhe i kishin marrë telefonin celular, për t’u larguar më pas në drejtim të panjohur.
Pas hetimeve intensive, më 27 tetor, hetuesit rajonalë kanë arritur t’i identifikojnë dhe t’i arrestojnë dy prej të dyshuarve. Ata janë intervistuar në prani të avokatëve mbrojtës dhe punëtorit të Qendrës për Punë Sociale.
Me urdhër të prokurorit të Shtetit, të dyshuarit janë liruar në procedurë të rregullt, ndërsa hetimet për rastin po vazhdojnë.