Presidentja e Republikës së Kosovës, Vjosa Osmani, ka zhvilluar një takim me presidentin e Bullgarisë, Rumen Radev, gjatë qëndrimit në Riad.
Në këtë takim, Osmani theksoi se Radev mbetet një mik dhe mbështetës i fuqishëm i Kosovës në rrugëtimin e saj drejt integrimeve evropiane dhe euroatlantike.
“Presidenti i Bullgarisë, Rumen Radev, është një mik i Kosovës dhe mbështetës i fuqishëm i aspiratave tona euroatlantike.
Në takimin tonë në Riad, në qendër të bisedës ishin largimi i masave të padrejta ndaj Kosovës dhe avancimi i aplikacionit për statusin e vendit kandidat në Bashkimin Evropian, si pjesë e përpjekjeve tona të përbashkëta për të forcuar stabilitetin rajonal dhe për të thelluar bashkëpunimin ndërmjet vendeve tona në kuadër të partneritetit evropian dhe euroatlantik”, ka shkruar Osmani.