Policia e Kosovës ka arrestuar dy persona pas një rrahjeje që ndodhi sot në rrugën “Milan Shuflaj” në veri të Mitrovicës.
Sipas njoftimit, rreth orës 12:50, zyrtarët policorë kanë intervenuar pas një mosmarrëveshjeje në trafik, që eskaloi në dhunë fizike.
Në lidhje me rastin, është arrestuar N.B. (39 vjeçar), i cili dyshohet se ka sulmuar fizikisht dy persona (baba e bir). Viktimat kanë marrë trajtim mjekësor dhe më pas janë liruar.
Me urdhër të prokurorit kujdestar, ndaj të dyshuarit është inicuar rasti për “Lëndim i lehtë trupor” dhe ai është dërguar në mbajtje për 48 orë.
Gjithashtu, në stacionin policor është paraqitur vëllai i të dyshuarit, N.B. (46 vjeçar), i cili kishte fyer viktimat.
Në bazë të ligjit për kundërvajtje, ndaj tij është shqiptuar tiketë për prishje të rendit dhe qetësisë publike.