Presidentja e Kosovës, Vjosa Osmani, ka komentuar njohjen e Kosovës nga Siria, duke e cilësuar këtë si një hap të rëndësishëm drejt forcimit të vendit në arenën ndërkombëtare.
“Do të ketë natyrisht edhe shumë lajme tjera të mira në muajt që vijnë. Ne do të punojmë pa ndalë që Kosova të forcohet në arenën ndërkombëtare dhe të ketë vendin që e meriton në mesin e kombeve të lirë. Edhe njohja nga Siria nuk ka ardhur brenda natës. Ne kemi pasur takimin e parë me presidentin e Sirisë në muajin prill, dhe që nga atëherë ekipet tona janë në kontakt për të përgatitur ecjen përpara të dy shteteve tona”, ka deklaruar Osmani drejtpërdrejt nga rrjeti social Facebook.
Presidentja ka folur edhe për vizitën e saj në Riad, duke theksuar rëndësinë e saj.
“Kjo ka qenë edhe vizita jonë shumë kanë pyetur se pse jam në Riad ne këto momenti tash besoj e dini pse, ka qenë një vizitë jashtëzakonisht e rëndësishme”, ka deklaruar presidentja Osmani.