Glauk Konjufca, i propozuar sot nga Lëvizja Vetëvendosje si mandatar për kryeministër, ka deklaruar se për qëllimi kryesor është shmangia e zgjedhjeve të menjëhershme dhe sigurimi i miratimit të buxhetit të vitit 2026.
Ai ka thënë se nuk do të kërkojnë marrëveshje koalicioni me partitë politike.
“Unl mendoj që ky nuk do jetë një proces që ne do të kërkojmë ndonjë marrëveshje koalicioni me partitë politike. Ideja ka qenë thjesht të krijojmë një qeveri të re për të shmangur dy gjëra e para zgjedhjet e menjëhershme, e dyta bashkëpunimi i partive parlamentare për ta pasur Kosovën me buxhet për vitin 2026. Nëse këto dy gjëra nuk bëhen, nuk është në të mirën e Kosovës, dhe pikërisht për këtë arsye LVV më propozoi si mandatar sot. E vetmja që na mbetet është të shohim veprimin e Presidentes”, ka thënë Konjufca.
Por, pasi ai ka përmendur Planin e Rritjes, ka theksuar se për këtë do të kërkojë bashkëpunim nga subjektet opozitare, por jo për krijimin e një qeverie afatgjatë me koalicione.
“Rrezikojmë ta humbim afatin e Planit të Rritjes edhe për këtë do të ia kërkojë bashkëpunimin subjekteve opozitare por jo për një qeveri afat gjate, me koalicione, vetëm thjesht t’i thirrin mendjes që këto gjëra të kalojnë e pastaj bëjmë bash çfarë donë paritë opozitare”, ka theksuar Konjufca para mediave.
I pyetur nëse ka ndonjë indikacion për mbështetje nga partitë tjera ish-opozitare, Konjufca ka thënë bashkëpunimi pritet jo vetëm nga LVV, por edhe nga shumica e qytetarëve të Kosovës.