Një autoambulancë është aksidentuar ditën e enjte në lagjen “Dardania” në Gjakovë, ku kanë mbetur të lënduar gjashtë persona.
Në mesin e të lënduarve kanë qenë dy pacientë.
Më datë 1 korrik njëri ndër të aksidentuarit ka ndërruar jetë, trupi i të cilit ishte dërguar për obduksion.
Mjeku, Mentor Salihi që ishte brenda autoambulancës poashtu mori lëndime, ku ditën e sotme të 5 korrikut është bërë e ditur se ka ndërruar jetë.
Këtë lajm e kanë bërë të ditur disa të afërm të Salihit në rrjetet sociale ku e kanë kujtuar si një njeri ambicioz dhe të dashur për pacientët.
Aksidenti i rëndë kishte ndodhur në lagjen Dardania, mes autoambulancës dhe një veture të tipit Golf.