Avokati Nasuf Hasani në emisionin FIVE në RTV Dukagjini ka deklaruar se Andin Hoti është një befasi e mirë në listën e Vetëvendosjes.
Ai ka vlerësuar pozitivisht listën e këtij subjekti politik, duke theksuar se, sipas tij, “në një vlerësim të përgjithshëm për listën e Vetëvendosjes, nuk ka asnjë individ që është shpallur me aktgjykim nga gjykata e shkallës së parë”.
Moderatori Istrefi ka shtuar se në listë megjithatë ka individë me aktakuzë, për çka Hasani ka theksuar rëndësinë e parimit themelor juridik.
“Te aktakuza është prezumimi i pafajësisë, të lutem. Përderisa nuk vërtetohet e kundërta, atëherë gjithnjë je i pafajshëm. Mirëpo, në listën e Vetëvendosjes nuk ka asnjë individ i cili është gjykuar për keqpërdorim të pozitës zyrtare”, ka thënë ai.