Kryetari i Bashkimit Demokratik për Integrim (BDI), Ali Ahmeti, ka bërë thirrje për pjesëmarrje masive në protestën që do të mbahet nesër, më 13 dhjetor, në orën 13:00, në Sheshin “”Skënderbeu” në Shkup.
Sipas Ahmetit, kjo protestë ka për qëllim të kërkojë drejtësi dhe të kundërshtojë akuzat e fabrikuara të Serbisë dhe Rusisë ndaj shqiptarëve dhe UÇK-së.
“Nesër, më 13 dhjetor, në orën 13:00, në Sheshin “Skënderbeu” në Shkup, bashkohemi për një qëllim të qartë: kërkesën për drejtësi dhe hedhjen poshtë të akuzave të fabrikuara të Serbisë dhe Rusisë.
Ne dalim me përgjegjësi, për të nderuar sakrificën dhe për të mbrojtur të vërtetën e historisë sonë.
Liria ka emër, UÇK. Dhe ky emër mbetet pjesë e identitetit dhe dinjitetit tonë kombëtar.
Ju ftoj të gjithëve që nesër të jemi bashkë”, ka shkruar Ahmeti.