Kryetari dhe kandidati i Partisë Demokratike të Kosovës, Bedri Hamza, vlerëson se më 28 dhjetor arroganca e pushtetit do të përballet me votën e qytetarëve.
Hamza, mes tjerash, u ka bërë thirrje qytetarëve që të votojnë PDK-në me numër 130 për një shtet që iu shërben vetëm qytetarëve, njofton Dukagjini.
“Nga Gjilani, sepse Kosova do të ecë përpara me të gjithë qytetarët e saj. Më 28 dhjetor, arroganca e pushtetit përballet me votën tuaj. Votoni numrin 130. Votoni për një shtet që punon dhe iu shërben vetëm qytetarëve. Bashkë. Përpara. #PDK130”, ka shkruar Hamza në Facebook.