Kandidati i PDK-së për deputet, Lulzim Aliu, ka adresuar kritika ndaj kryetarit të Lëvizjes Vetëvendosje, Albin Kurti, duke e akuzuar për mashtrim të opinionit publik lidhur me premtimet për ndërtimin dhe funksionalizimin e çerdheve publike.
Duke folur në emisionin Debat Plus, Aliu ka deklaruar se çështja e çerdheve po përdoret si temë propagandistike, pa pasur një bazë reale për zbatim.
“Mundem me thënë që ky e ka gjetur çelësin për të mashtruar, sepse kjo nuk mund të quhet ndryshe përveç mashtrim. E merr temën e çerdheve, a e di pse? Sepse asnjë qytetar nuk e di nëse janë 70 apo 500 çerdhe, por nuk mund t’i funksionalizojë. Ligji për Buxhet e ka formulën e vet, numri i edukatorëve që duhet të punojnë nëpër çerdhe është i caktuar për secilën komunë. Ferizaj i ka 48, i kemi 10 çerdhe, por 5 janë të gatshme dhe nuk po mundemi me i funksionalizuar, sepse s’ka buxhet prej Qeverisë së Kosovës”, ka thënë Aliu.