Komisioni Qendror i Zgjedhjeve (Komisioni Qendror i Zgjedhjeve) ka njoftuar përmes një komunikate për media se sot po zhvillohet procesi i votimit në 29 përfaqësi diplomatike të Republikës së Kosovës.
Sipas KQZ-së, të drejtën e votës e kanë ushtruar shtetas të Kosovës të regjistruar në 16 ambasada dhe 13 konsullata, gjithsej 19 mijë e 187 votues.
Po ashtu, KQZ ka publikuar detaje lidhur me orarin e mbylljes së të gjitha qendrave të votimit, i cili ndryshon në varësi të zonave kohore ku ndodhen përfaqësitë diplomatike.
Njoftimi i plotë:
Pas një procesi përgatitor prej disa javësh, sot, në 29 përfaqësitë diplomatike të Republikës së Kosovës është duke u mundësuar votimit për shtetasit e vendit tonë.
Gjatë ditës së sotme, 19,187 shtetasit e Kosovës që u regjistruan paraprakisht për të votuar fizikisht në ndonjërën nga 16 ambasadat dhe 13 konsullatat e Republikës së Kosovës, kanë të drejtë të votojnë.
Në orën 17:00, sipas kohës lokale në Kosovë, do të përfundojë votimi në konsullatën e Stambollit, ndërkaq, në orën 19:00 qendrat e votimit do të mbyllen në shtetet tjera, si: Gjermani, Zvicër, Francë, Belgjikë, Norvegji, Austri, Suedi, Slloveni, Danimarkë, Itali, Kroaci, Holandë, Republikë Çeke dhe Hungari.
Në orën 20:00 votimi do të përfundojë në ambasadën e Kosovës në Londër, ndërkaq në orën 01:00 të ditës tjetër, gjithnjë sipas kohës lokale në vendin tonë, procesi i votimit do të përfundojë në 4 përfaqësitë diplomatike në ShBA dhe Kanada.