Bedri Hamza, kandidat i Partia Demokratike e Kosovës për kryeministër, ka ushtruar të drejtën e votës, duke u bërë thirrje qytetarëve që të dalin dhe të votojnë në mënyrë të lirë dhe demokratike.
Pas votimit, Hamza tha se bashkë me familjen e tij ka shfrytëzuar të drejtën për të votuar dhe uroi që dita e zgjedhjeve të kalojë qetë.
“Bashkë me familjen e shfrytëzuam të drejtën për të votuar. Ftoj qytetarët të votojnë sipas bindjes së lirë dhe vullnetit të tyre. Shpresoj të jetë ditë e qetë dhe e mirë, ku qytetarët votojnë në mënyrë demokratike. Pres që gjithçka të shkojë mbarë. Deri tani nuk kam ndonjë informacion për probleme”, tha Hamza.
Ai u ndal edhe te çështja e furnizimit me energji elektrike, duke theksuar se çdo telashe eventuale do të ishin shqetësuese, por pa paragjykuar situatën.
“Nuk është mirë të ketë telashe me rrymën, mund të jetë shqetësuese, por nuk dua të paragjykoj”, u shpreh Hamza.