Instituti Kombëtar i Shëndetësisë Publike të Kosovës (IKShPK) ka njoftuar se, për shkak të rritjes së vlerave të turbullirës në ujin e prodhuar nga fabrika për trajtimin e ujit “Badoc”, ky ujë aktualisht nuk rekomandohet për pije.
Sipas njoftimit zyrtar të publikuar më 13 janar, IKShPK thekson se masa është parandaluese dhe ka për qëllim mbrojtjen e shëndetit publik, derisa situata të normalizohet dhe të kryhen analizat e nevojshme laboratorike.
“Instituti Kombëtar i Shëndetësisë Publike të Kosovës (IKShPK) njofton qytetarët se, si pasojë e rritjes së vlerave të turbullirës në ujin e prodhuar nga fabrika për trajtimin e ujit ‘Badoc’, nuk rekomandohet për pije, deri në njoftimin e radhës.
IKSHPK në bashkëpunim me KRU “Prishtina” po e përcjellin nga afër situatën me ujë të pijshëm”, thuhet në njoftim.