Të paktën 22 persona kanë humbur jetën dhe dhjetëra të tjerë janë plagosur, pasi një vinç ndërtimi u shemb dhe ra mbi një tren pasagjerësh në Tajlandë, duke shkaktuar një nga aksidentet më të rënda hekurudhore në vitet e fundit.
Ngjarja ndodhi gjatë orëve të para të mëngjesit, ndërsa treni po kalonte pranë një kantieri ndërtimi.
Edhe 64 persona të tjerë u plagosën, ndërsa ekipet e shpëtimit vazhdonin kërkimet në rrënoja dhe dhënien e ndihmës së parë.
Aksidenti ndodhi në një segment të një projekti ambicioz të planifikuar për hekurudhë me shpejtësi të lartë, i cili synon të lidhë Kinën me pjesën më të madhe të Azisë Juglindore.
Sipas zyrës së marrëdhënieve me publikun të provincës Nakhon Ratchasima, ku ndodhi ngjarja, vinçi – që po përdorej për ndërtimin e një pjese të ngritur të hekurudhës – u rrëzua në momentin kur treni po udhëtonte nga Bangkoku drejt provincës Ubon Ratchathani.
Mediat tajlandeze raportuan se treni kishte tre vagona, ku dy të fundit ishin më të dëmtuarit.