Qeveria në detyrë e Republikës së Kosovës ka mbajtur të martën mbledhjen e saj të 285-të, e cila është zhvilluar në mënyrë elektronike.
Në këtë mbledhje, ekzekutivi ka miratuar themelimin e Këshillit Organizativ për shënimin e 18-vjetorit të Pavarësisë së Kosovës.
Po ashtu, Qeveria ka autorizuar pagesën në vlerë prej 154 mijë euro për Bankën Evropiane për Rindërtim dhe Zhvillim (BERZH), me qëllim të rritjes së kuotës së kapitalit të Qeverisë së Republikës së Kosovës në këtë institucion financiar ndërkombëtar.
“Qeveria në detyrë e Republikës së Kosovës ka mbajtur mbledhje elektronike në të cilën ka miratuar këto vendime: – Themelimin e Këshillit Organizativ për shënimin e 18-vjetorit të Pavarësisë së Kosovës; – Autorizimin e pagesës në shumë prej 154,000 euro për Bankën Evropiane për Rindërtim dhe Zhvillim (BERZH) për rritjen e kuotës së kapitalit të Qeverisë së Republikës së Kosovës në BERZH”, thuhet në njoftim.