Moti gjatë kësaj jave në Kosovë pritet të jetë i ndryshueshëm, kryesisht i vranët dhe me riga shiu, njofton Instituti Hidrometeorologjik i Kosovës.
Këtë të hënë parashihet mot i vranët, me riga të dobëta shiu dhe fjolla bore.
Temperaturat minimale do të lëvizin ndërmjet -5 dhe -2 gradë Celsius, ndërsa ato maksimale nga -1 deri në 2 gradë.
Të martën moti do të jetë i vranët, me intervale me diell. Në orët e mëngjesit priten ngrica, ndërsa temperaturat maksimale do të arrijnë deri në 7 gradë Celsius.
Të mërkurën parashihet mot kryesisht i vranët, me mjegull në orët e para të ditës. Temperaturat maksimale do të shënojnë rritje, duke arritur deri në 11 gradë Celsius.
Edhe të enjten dhe të premten moti do të jetë i vranët, me riga shiu në disa zona të vendit.