Presidentja e Kosovës, Vjosa Osmani i ka shprehur ngushëllime homologut turk, Rexhep Taip Erdogan pas vdekjes së 16 personave në dy aksidente komunikacioni.
Osmani ka thënë se Kosova qëndron me popullin turk në këto momente, ndërsa të lënduarve u ka uruar shërim të shpejtë.
“Ngushëllimet tona të sinqerta për Presidentin Erdogan dhe familjeve të viktimave të aksidentit tragjik të trafikut në Turqi. Ne qëndrojmë me popullin turk në këto momente të vështira dhe u urojmë shërim të shpejtë të lënduarve”, ka shkruar Osmani në X.
Dy aksidente të rënda trafiku kanë ndodhur këtë të diel në Turqi, duke lënë pas 16 të vdekur dhe 22 të lënduar.
Një autobus me 34 pasagjerë u përmbys në provincën e Antalya-s, në një kthesë të rrugës së aksessit pranë autostradës në periferi të qytetit, duke rënë poshtë një kodre.
Tetë pasagjerë vdiqën menjëherë në vendngjarje, ndërsa shoferi humbi jetën më pas në spital.
Sipas raportimit të guvernatorit të provincës Antalya, Hulusi Sahin, 22 pasagjerë mbetën të lënduar, shtatë prej tyre në gjendje serioze.
Në provincën e Burdurit, shtatë persona humbën jetën pas përplasjes së dy makinave.
Our heartfelt condolences to President @RTErdogan and to the families of the victims of the tragic traffic accident in Türkiye.
We stand with the Turkish people in these difficult moments, and wish a speedy recovery to the injured.
Dualarımız Türkiye’yle. 🇽🇰🇹🇷
— Vjosa Osmani (@VjosaOsmaniPRKS) February 1, 2026