Presidenti amerikan, Donald Trump, ka deklaruar sërish se ka pasur rol vendimtar në zgjidhjen e konfliktit mes Kosovo dhe Serbia, duke thënë se ndërhyrja e tij ka ndikuar në shmangien e një përshkallëzimi të mundshëm.
Gjatë fjalimit hapës në mbledhjen inauguruese të Bordit të Paqes, Trump përmendi disa konflikte ndërkombëtare që, sipas tij, janë zgjidhur falë angazhimit të tij, duke veçuar edhe raportet mes Prishtinës dhe Beogradit.
“Për shumë prej këtyre çështjeve, po marr si shembull Kosovën dhe Serbinë. Unë e zgjidha atë. A mund të ngriheni pak në këmbë, nëse jeni këtu? Vetëm për një moment. Kosova, Serbia. Ngrihuni. Çfarë pune e shkëlqyer. Ju faleminderit shumë. E vlerësojmë. Shumë mirë. Po shkoni mirë me njëri-tjetrin, dhe kur nuk shkoni mirë, më telefononi mua dhe do ta zgjidhim, apo jo? Do ta zgjidhim. Faleminderit shumë”, ka thënë Trupm.
Mbledhja inauguruese e Bordit të Paqes nisi zyrtarisht në ambientet e Instituti Amerikan i Paqes “Donald J. Trump”, në Washington, D.C., me pjesëmarrjen e krerëve të shteteve, qeverive dhe përfaqësuesve të lartë ndërkombëtarë.