Kjo javë në Kosovë pritet të jetë kryesisht stabile dhe me temperatura pranverore, sipas Institutit Hidrometeorologjik të Kosovës.
Përjashtim bën dita e martë, kur parashikohen vranësira dhe riga shiu me intensitet të ulët. Mëngjeset pritet të jenë të ftohta, me ngrica të dobëta dhe mjegull në disa zona malore.
Sot e hënë, moti do të jetë kryesisht i vranët, por me intervale dielli. Temperatura minimale pritet të zbresë deri në -4°C, ndërsa maksimalja mund të arrijë deri në 13°C.
E martë: Parashihet mot i vranët, vende-vende me riga shiu. Temperatura minimale do të jetë deri në -1°C, kurse maksimalja deri në 13°C.
E mërkurë: Vranësira do të mbizotërojnë, por nuk do të mungojnë intervalet me diell. Minimalja do të arrijë deri në -2°C, ndërsa maksimalja 9°C.
E enjte: Moti do të jetë kryesisht i vranët. Temperatura minimale pritet të zbresë deri në -3°C, ndërsa maksimalja vetëm 1°C.
E premte: Dita më e ngrohtë e javës pritet të jetë e premte, me mot kryesisht me diell. Maksimalja do të arrijë 14°C, ndërsa minimalja do të jetë nga -1°C deri në 2°C.
Gjatë gjithë javës, mëngjeset priten të jenë të ftohta, ndërsa në zonat malore nuk përjashtohet mjegulla.