Kryetari i Aleancës për Ardhmërinë e Kosovës, Ramush Haradinaj, ka pritur në takim ministren për Evropë dhe Punë të Jashtme të Shqipërisë, Elisa Spiropali.
Gjatë takimit u vlerësua angazhimi i Qeverisë shqiptare për çështjet me rëndësi për Kosovën dhe u diskutuan zhvillimet në Kosovë, Shqipëri dhe rajon, si dhe proceset e ardhshme integruese dhe të sigurisë, me qëllim avancimin e synimit strategjik për anëtarësim në NATO.
Haradinaj theksoi se forcimi i marrëdhënieve bilaterale ndërmjet Kosovës dhe Shqipërisë mbetet prioritet i përhershëm, duke nënvizuar se integrimi ndër shqiptar është domosdoshmëri kombëtare dhe garanci për të ardhmen e sigurt.
Ai gjithashtu shprehu falënderimin për kujdesin e Qeverisë shqiptare, të udhëhequr nga Kryeministri Edi Rama, ndaj çlirimtarëve që përballen me drejtësinë në Hagë.