Ushtria e Bahrejnit ka njoftuar se ka kapur 73 raketa dhe 91 dronë të lëshuar nga Irani që nga dita e shtunë.
Shumë prej tyre kishin si objektiv bazat ushtarake në vend, përfshirë një bazë të Marinës së SHBA-së.
Më herët, edhe Emiratet e Bashkuara Arabe thanë se kanë interceptuar 172 raketa iraniane dhe 755 dronë gjatë të njëjtës periudhë, që nga fillimi i operacioneve ushtarake të SHBA-së dhe Izraelit kundër Iranit, raporton BBC.
Sipas ambasadës amerikane në Arabinë Saudite, qytetarët amerikanë janë paralajmëruar për sulme të mundshme me raketa dhe dronë në qytetin Dhahran, ku ndodhet edhe selia e kompanisë Aramco.
Ata këshillohen të qëndrojnë në vend dhe të kenë gati planet e sigurisë në rast sulmi.