Lidhur me shtrenjtimin e çmimeve në Kosovë ka folur profesori i ekonomisë Medain Hashani.
Ai në emisionin “FIVE” në RTV Dukagjini ka thënë se rritja e çmimeve në mënyrë direkte reflektohet tek kuleta dhe jeta e qytetarëve të vendit.
“Nuk kemi lëvizje të pagave, nuk kemi lëvizje të qeverisë dhe hapave të cilët do të duhej t’i merrte ajo, sidomos në raport me krizat, siç është kriza e tanishme mes SHBA-ve, Izraelit dhe Iranit”.
“Kjo ka reflektuar normalisht në ekonominë e Kosovës. Nëse i analizojmë statistikat e Doganës së Kosovës, pjesa e derivateve që po diskutohet më së shumti, sepse është një produkt i cili ka një impakt zinxhiror në rritjen e kostove të të gjitha shërbimeve…”, ka thënë ai.
Më tej Hashani ka shtuar se qeveria e vendit duhet të ndërhyjë në raste të tilla.