Çmimet e naftës janë rritur sërish, pasi kishin shënuar tashmë rritje gjatë luftës mes Shteteve të Bashkuara të Amerikës dhe Izraelit me Iranin.
Megjithatë, duke folur dje para mbështetësve të tij në Kentaki, presidenti i Shteteve të Bashkuara, Donald Trump, tha se vendimi i djeshëm i 32 vendeve për të liruar rezerva të naftës do të ulë ndjeshëm çmimet e naftës, shkruan BBC, transmeton Dukagjini.
Më herët gjatë ditës, teksa vizitonte një biznes në Sinsinati, Trump i quajti luhatjet e çmimeve të naftës një “çështje lufte”.
“Çmimet po bien në mënyrë shumë të ndjeshme. Nafta do të bjerë. Kjo është thjesht një çështje lufte që ndodh. Mund ta parashikoni pothuajse. Do të thosha se u rrit pak më pak se sa menduam. Do të bjerë më shumë sesa ne, sesa kushdo e kupton”, shtoi Trump.
Më vonë ai deklaroi se Shtetet e Bashkuara do ta “shqyrtojnë shumë seriozisht” situatën në Ngushticën e Hormuzit.
“Ngushtica është në gjendje shumë të mirë. Ne ua kemi shkatërruar të gjitha anijet. Ata kanë disa raketa, por jo shumë”, tha ai.
Çmimi i naftës kalon 100 dollarë pavarësisht lirimit rekord të rezervave