Presidentja e vendit, Vjosa Osmani, priti sot në takim ambasadorin e Republikës Italiane, Maurizio Antonini.
Siç bëhet e ditur në njoftimin e Presidencës, në takim u diskutua për zhvillimet e fundit politike në vend, si dhe për aspekte të ndryshme të bashkëpunimit bilateral ndërmjet Kosovës dhe Italisë, njofton Dukagjini.
“Presidentja Osmani theksoi marrëdhëniet e shkëlqyera ndërmjet dy shteteve dhe shprehu mirënjohjen e thellë të popullit të Kosovës për mbështetjen e vazhdueshme të Italisë në të gjitha fazat kyçe të shtetndërtimit dhe të forcimit të pozitës ndërkombëtare të Kosovës”, thuhet në njoftim.