Përfaqësuesja e Lartë e Bashkimit Evropian për Punët e Jashtme dhe Sigurinë, Kaja Kallas, ka mirëpritur marrëveshjen e arritur sot për regjistrimin civil dhe Ligjin për të Huajt në Kosovë, duke e cilësuar atë si një hap të rëndësishëm përpara në dobi të të gjithë qytetarëve të Kosovës.
Kallas theksoi rëndësinë e sigurimit të vazhdimësisë së ofrimit të shërbimeve publike dhe falënderoi të gjithë ata që u angazhuan konstruktivisht për realizimin e kësaj marrëveshjeje.
Përfaqësuesja e Lartë e BE-së njoftoi gjithashtu se është e gatshme të organizojë së shpejti një takim të nivelit të lartë për të ndihmuar në avancimin e dialogut.
“Marrëveshja e sotme për regjistrimin civil dhe Ligjin për të Huajt shënon një hap të rëndësishëm përpara në dobi të të gjithë njerëzve në Kosovë. Është thelbësore të sigurohet vazhdimësia në ofrimin e shërbimeve publike. Faleminderit të gjithëve që u angazhuan në mënyrë konstruktive për ta bërë këtë të mundur. Duke ecur përpara, zbatimi i marrëveshjeve të kaluara mbetet jetik. Ky progres krijon një moment të ri për dialogun Beograd-Prishtinë, dhe unë jam gati të organizoj një takim të nivelit të lartë së shpejti”, ka shkruar Kallas në X.
Today’s agreement on civil registration and the Law on Foreigners marks an important step forward for the benefit of all people in Kosovo. It is essential to ensure continuity in delivery of public services.
Thank you to everyone who engaged constructively to make this possible.…
— Kaja Kallas (@kajakallas) March 14, 2026