Kryetari i Komunës së Mitrovicës së Jugut, Faton Peci, ka njoftuar për një masë të re mbështetëse për fermerët lokalë, duke bërë të ditur se për herë të parë do të subvencionohet prodhimi i qumështit.
Peci bën të ditur se fermerët do të përfitojnë 10 cent për çdo litër qumështi të prodhuar, njofton Dukagjini.
Tutje, ai thekson se kjo mbështetje synon të inkurajojë prodhimin vendor dhe të ndihmojë zhvillimin e bujqësisë në komunë, duke e cilësuar këtë sektor si prioritet.
“”10 cent subvencionim për çdo litër qumështi të prodhuar për fermerët. Nga 0 cent në 10 cent për herë të parë, fermerët e Komunës së Mitrovicës do të subvencionohen për çdo litër qumësht. Mbështetja për fermerët do të jetë e vazhdueshme dhe meritore. Zhvillimi i bujqësisë është prioriteti ynë. Ky vendim është vetëm fillimi i mbështetjes serioze në bujqësi”, ka shkruar Peci.