Ambasada e Shteteve të Bashkuara të Amerikës në Kosovë ka publikuar një mesazh urimi nga presidenti amerikan Donald Trump, me rastin e festës së Fitër Bajramit.
Në mesazhin e tij, Trump u ka dërguar urimet më të mira të gjithë besimtarëve myslimanë që festojnë përfundimin e muajit të shenjtë të Ramazanit, njofton Dukagjini.
Ai thekson se Fitër Bajrami bashkon familjet, miqtë dhe komunitetet në frymën e solidaritetit dhe përkushtimit shpirtëror.
Tutje, në këtë urim theksohet se liria fetare mbetet një nga vlerat kryesore në SHBA, duke shtuar se administrata amerikane angazhohet çdo ditë për ta mbrojtur atë.
“Unë dhe Zonja e Parë u dërgojmë urimet tona më të mira çdo amerikani që feston Fitër Bajramin. Fitër Bajrami, i njohur edhe si Festa e Çlirimit të Agjërimit, bashkon familjet, miqtë dhe komunitetet myslimane në nder të përkushtimit të tyre shpirtëror në përfundim të Ramazanit. Ai shërben gjithashtu si një kujtesë e parimit themelor amerikan të lirisë fetare, për të cilin Administrata ime po lufton çdo ditë. U përcjellim urimet tona më të ngrohta për një Fitër Bajram të bekuar të gjithë atyre që festojnë”, thuhet në këtë mesazhin e Trumpit.