Të paktën gjashtë persona kanë mbetur të lënduar si pasojë e një aksidenti trafiku që ka ndodhur pasditen e sotme në fshatin Rakinicë, në komunën e Skenderajt.
Sipas zëdhënësit të Policisë, Avni Zahiti, aksidenti ka ndodhur rreth orës 15:00 në rrugën rajonale Skenderaj–Klinë, ku janë përfshirë dy automjete.
Si pasojë e përplasjes, gjashtë persona kanë pësuar lëndime trupore dhe janë dërguar për trajtim mjekësor në Spitalin e Përgjithshëm të Mitrovicës.
Njësitet policore kanë dalë në vendin e ngjarjes dhe janë duke hetuar rrethanat e aksidentit.