Sektori i Hetimeve të Prishtinës ka arrestuar një person të dyshuar për përfshirje në një rast grabitjeje të ndodhur në Prishtinë.
Sipas njoftimit , falë reagimit të shpejtë të hetuesve dhe punës intensive operative-hetimore, është bërë i mundur identifikimi dhe arrestimi i të dyshuarit A.G., 32 vjeç.
Pas arrestimit, në koordinim me Prokurorin e Shtetit, janë ndërmarrë të gjitha veprimet e nevojshme procedurale, ndërsa rasti po vazhdon të hetohet nga autoritetet kompetente.