Dy persona janë arrestuar në Prishtinë, pasi u kapën duke tentuar të vjedhin naftë.
Sipas Policisë, rasti ka ndodhur më 26 mars, rreth orës 22:30, në rrugën “Mehmet Xhevori”, ku të dyshuarit, meshkuj kosovarë, janë kapur gjatë veprës penale të vjedhjes së rëndë në tentativë.
Si prova materiale janë sekuestruar një akumulator, një pajser dhe mjete të tjera, ndërsa nafta e vjedhur i është kthyer pronarit.
Pas arrestimit dhe intervistimit, me vendim të prokurorit, të dy të dyshuarit janë dërguar në mbajtje.