Të martën pritet të mbajë mot kryesisht i vranët, me riga shiu vende-vende, sipas parashikimit të Institutit Hidrometeorologjik të Kosovës (IHK).
Temperaturat minimale do të lëvizin ndërmjet 1 deri në 3 gradë Celsius, ndërsa maksimalet nga 6 deri në 9 gradë.
Do të fryjë erë nga veriperëndimi me shpejtësi 1 deri në 7 metra në sekondë.
Këto kushte meteorologjike konsiderohen të favorshme për sektorin e bujqësisë. Mungesa e temperaturave negative nënkupton se nuk ka rrezik nga ngricat, ndërsa lagështia e krijuar nga reshjet ndihmon tokën dhe zhvillimin e bimëve.
Po ashtu, krijohen kushte të përshtatshme për kulturat pranverore.
Bujqit këshillohen që ta shfrytëzojnë këtë periudhë për punimin e tokës, mbjellje të reja si dhe për kujdes të shtuar ndaj bimëve, në veçanti pemëve.