Izraeli ka urdhëruar evakuimin e banorëve në disa lagje të jugut të kryeqytetit libanez, Beirut, duke paralajmëruar se do të kryejë sulme të reja ndaj infrastrukturës ushtarake të Hezbollahut.
Zëdhënësi i Forcave të Mbrojtjes së Izraelit, Avichay Adraee, u ka bërë thirrje banorëve që të largohen menjëherë nga zonat e listuara, duke theksuar se “Izraeli nuk synon t’ju dëmtojë, por për sigurinë tuaj duhet të evakuoheni menjëherë”.
Sipas njoftimit, urdhri përfshin lagjet, Haret Hreik, Ghobeiry, Al-Lilaki, Hadath, Borj el-Barajneh, Tahwitat al-Ghadir, Shiyyah dhe Al-Janah — zona të njohura në jug të Bejrutit, ku Izraeli pretendon se ndodhen struktura të Hezbollahut, Hezbollah.
Presidenti i Iranit, Masoud Pezeshkian, thotë se sulmet vdekjeprurëse izraelite ndaj Libanit “shkelin në mënyrë flagrante” marrëveshjen e armëpushimit dhe paralajmëron se duart e tyre “do të mbeten në këmbëz”, raporton BBC.
Komentet e tij vijnë ndërsa ushtria izraelite lëshon urdhra të rinj evakuimi për banorët në Bejrutin jugor, një ditë pasi u godit nga sulme të rënda.
Ministria e Shëndetësisë e Libanit thotë se 203 persona janë vrarë dhe më shumë se 1,000 të tjerë janë plagosur në sulmet e së mërkurës.
Kryeministri izraelit Benjamin Netanyahu është zotuar të vazhdojë të sulmojë grupin Hezbollah të mbështetur nga Irani “kudo që të jetë e nevojshme”.