Një punëtor ka humbur jetën tragjikisht sot në Ferizaj, pasi dyshohet se ka rënë nga një objekt ndërtimi.
Rasti ka ndodhur rreth orës 11:45 në rrugën “Remzi Hoxha”, ku sipas Policisë së Kosovës, viktima është një mashkull rreth 59-vjeçar, i cili dyshohet se ka rënë nga kati i gjashtë i ndërtesës gjatë punimeve.
Rastin për Duakgjinin, e ka konfirmuar zëdhënësi i policisë për rajonin e Ferizajt, Kanun Veseli, i cili bëri të ditur se njësitet policore kanë dalë menjëherë në vendin e ngjarjes, së bashku me ekipet emergjente që kanë konstatuar vdekjen e viktimës.
Në vendngjarje kanë intervenuar edhe forenzika rajonale dhe inspektorët e punës, ndërsa zona është siguruar dhe kanë nisur hetimet për të sqaruar rrethanat e plota të rastit.