Një person është arrestuar nga Policia e Kosovës në aksin rrugor Stubllinë–Pogragjë, pasi dyshohet se ka hyrë ilegalisht në territorin e Kosovës me një veturë me targa franceze.
Sipas policisë, rasti ka ndodhur më 9 maj 2026, rreth orës 23:10, kur njësiti policor ka ndaluar automjetin që drejtohej nga i dyshuari mashkull kosovar.
Dyshohet se ai kishte hyrë ilegalisht në territorin e Republikës së Kosovës, pasi në pikën kufitare “Dheu i Bardhë”, i ishte refuzuar hyrja për shkak të mungesës së lejes së qarkullimit të veturës.
Me urdhër të prokurorit, automjeti është konfiskuar dhe dërguar në terminalin doganor në Dheu i Bardhë, ndërsa i dyshuari është liruar në procedurë të rregullt.