Një punëtor ka rënë nga kati i një ndërtese në ndërtim e sipër në Vushtrri.
I njëjti është dërguar për trajtim mjekësor në Spitalin e Vushtrrisë teksa Policia ka nisur hetimet, njofton Dukagjini.
Rastin për Dukagjinin e ka konfirmuar edhe zëdhënësi i Policisë për rajonin e Mitrovicës së Jugut, Ilmi Prekazi
“Policia në Vushtrri ka pranuar informatën se një person i gjinisë mashkull, ka rënë nga një kat i një ndërtese e cila është në ndërtim e sipër në Vushtrri. Njësitë policore kanë dalë në vendin e ngjarjes. Personi i lënduar është dërguar për trajtim mjekësor në emergjencën e spitalit të qytetit në Vushtrri. Njësitë policore kanë filluar me veprimet hetimore për sqarimin e rrethanave të rastit” tha Prekazi për Dukagjinin.