Sezoni turistik në Shëngjin është hapur zyrtarisht me një ceremoni festive që mblodhi pushues, qytetarë dhe vizitorë të shumtë në bregdetin e njohur të Adriatikut.
Në kuadër të aktiviteteve të organizuara për hapjen e sezonit, u zhvilluan sporte të ndryshme ujore, demonstrime me mjete detare si dhe parakalime spektakolare me parashuta mbi vijën bregdetare, duke krijuar atmosferë festive dhe duke tërhequr vëmendjen e turistëve.
Organizatorët thanë se aktiviteti synon promovimin e Shëngjinit si një nga destinacionet kryesore turistike në Shqipëri, ndërsa gjatë sezonit veror pritet një fluks i madh vizitorësh vendorë dhe të huaj.
Ceremonia u shoqërua edhe me muzikë, aktivitete argëtuese dhe prezantime të ofertës turistike të zonës, me fokus te turizmi bregdetar dhe aventuror.