Një helikopter është rrëzuar në detin Egje të mërkurën e 13 korrikut, teksa po mundohej ta shuante zjarrin në një pyll në ishullin Samos.
Sipas raportimeve të televizionit publik grek Ert, një person është shpëtuar, ndërsa tre të tjerë janë ende në kërkim.
“Operacioni i shpëtimit është duke u zhvilluar pas rrëzimit të helikopterit që mori pjesë në luftën kundër zjarrit në pyll në Samos”, ka thënë një përfaqësues i zjarrfikësve, transmeton reuters.
“Një person është shpëtuar, dhe po kërkohen tre të tjerë”, ka thënë një përfaqësues i rojës bregdetare.
No way! Thx for showing pictures! Will follow bc that’s unique
— GameTime (@homeofthegame_) July 13, 2022
Zjarri ka shpërthyer në pyllin e Samos rreth orës 14:00, ndërsa tre helikopterë dhe pesë aeroplanë janë dërguar për shuarjen e zjarrit së bashku me rreth pesëdhjetë zjarrfikës.
Në Greqi të mërkurën e 13 korrikut, kanë fryer erëra të forta, ndërsa temperaturat kanë arritur deri në 30 gradë Celsius.