Kandidati për deputet nga radhët e PDK-së, Lorik Maxhuni ka zhvilluar një takim me miq, shokë dhe përkrahës në komunën e Vitisë, ku ka diskutuar për çështje që lidhen me të ardhmen dhe zhvillimin e vendit.
Maxhuni u shpreh se takimet kanë qenë të karakterizuara me biseda të sinqerta me qytetarët, të cilët sipas tij po tregojnë besim, mbështetje dhe energji për rrugëtimin politik që po zhvillohet.
“Me miq, shokë dhe përkrahës në Viti, duke ndarë biseda të sinqerta për të ardhmen që duam ta ndërtojmë së bashku. Besimi, mbështetja dhe energjia që po marrim nga qytetarët janë motivim i madh për rrugëtimin tonë.
Më 7 qershor, me vullnet dhe bashkim, vazhdojmë përpara. Faleminderit secilit për pritjen, respektin dhe përkrahjen”, ka shkruar Maxhuni.