Kandidati për deputet nga Partia Demokratike e Kosovës (PDK), Rrahman Rama, ka deklaruar se qytetarët e Dragashit po i bashkohen gjithnjë e më shumë thirrjes për ndryshim politik në vend.
Pas një takimi me banorë të kësaj komune, Rama tha se ka gjetur mbështetje dhe pajtim të gjerë për nevojën e një qeverisjeje të re, duke vlerësuar se qytetarët janë të gatshëm të votojnë për ndryshimin në zgjedhjet e 7 qershorit.
“Edhe Dragashi ka vendosur t’i thotë STOP krizës!
Me qytetarë të kësaj komune u takuam sot dhe u pajtuam se ndryshimi i kësaj qeverisjeje është i nevojshëm.
Bedri Hamza është i duhuri!”, ka shkruar Rama.