Qytetarët e Kosovës kanë votuar të dielën në zgjedhjet e parakohshme parlamentare, të tretat brenda rreth 16 muajve, në një proces që u zhvillua pas krizës politike dhe mungesës së një shumice të qëndrueshme parlamentare.
Në orën 19:00 ka përfunduar zyrtarisht periudha e lejuar për hyrje në qendrat e votimit, duke shënuar mbylljen e procesit të votimit në të gjithë vendin.
Sipas rregullave zgjedhore, qytetarët që ndodheshin brenda qendrave të votimit në momentin e mbylljes kanë të drejtë ta përfundojnë votimin e tyre.
Sipas të dhënave të KQZ-së deri në orën 18:54, kanë votuar 574,609 qytetarë, që përbën rreth 29,32 për qind të votuesve me të drejtë vote, që është rreth 200 mijë më pak krahasuar me zgjedhjet e 28 dhjetorit.